تجربتي للتخلص من شعرالوجه الزائد

                        

السلام عليكم موضوع اليوم عن طريقتي الجديد للتخلص من شعر الوجه الزائد 

بالصدفه شفت باليوتيوب وحده مشهوره تستخدم هذا الموس و تحمست و بنفس الوقت كنت خايفه 

بحثت كثييير الكل مدحه الا وحده بس 

و اشتريته و صورته بالسناب شات برمضان 

و تقريبا الكل تحمس معي فيه المؤيد و المعارض 

و اغلب المعارضين ما جربوه اصلا او جربوا الموس العادي 

بحثت اكثر عن الطريقه لاني مره مره كنت خايفه 

لي تجارب فاشله من الخيط و الشمع عانيت منها سنه كامله 

فكرت بالليزر للوجه بس كم وحده قالت انه طلع لها حبوب 

و ثاني شي ابوي مو راضي يخاف يسبب سرطان 

طبعا انا مو مقتنعه بكلام ابوي ابدا 

و ثالث شي كنت اعالج بشرتي و خايفه

                                     

بالعالبه يجي ٣ مع بعض اخذته من  الصيدليه  و سعره رخيص

انتبهي تاخذين موس رجال هذا مخصص للنساء  

شكل الموس يخوف بس بالحقيقه ما يخوف ابد و ما يجرح فيه اسنان صغيره 

بس مو واضحه هي الحاده 

نبدا بالطريقه اللي انا سويتها و هي من مخي 

اول شي اغسل وجهي مره و احط تونر بس 

و هو ناشف ابدا بجزء جزء ولا اعيد عليه 

شوي يقشر الجلد بس ما يوجع 

انتبهي انتبهي انتبهي 

تشيلين الشعر الاسود بس الوبر 

انا وجهي ما فيه شعر بس الوبر يطفش اذا حطيت مكياج 

لا تشيلين شنبك ابدا ابدا 

ولا جبهتك قريب عند منابت الشعر ولا بين حواجبك ولا تحت عيونك 

لانه بيطلع اسود و ثقيل 

و نامي على طول 

انتبهي تتعرضين لغبار او تعرقين او تحطين كريم 

نامي ووجهك ناشف 

للاحتياط بعده بيوم لا تحطين مكياج 

مع اني حطيت و ما صار شي الحمدلله 

شكل الوجه مرررره فرق صار ابيض حتى صار انعم لانه سوا تقشير 

طيب بعد الحف ايش صار ؟؟؟ 

بعد اسبوع طلع الشعر.  بشكل جدا جدا بسيط كانت خدودي تحك لان الشعر بيطلع 

ملمس الشعر خشن و يبطط؟؟؟

ملمس وجه عادي فيه شعر تحسين الشعر اذا حركتيه 

بس ابدا مو مثل ما تتخيلين 

الشعره صارت اثخن ؟؟؟

الوبر لا ابدا بس الشعر الاسود ايه 

انا جربت بين حواجبي و صار اثخن و فوق حواجبي عند منابت الشعر 

ما جربت شنب ابدا 

الشعر صار اكثر ؟؟؟ 

لا مثل ما كان 

ملاحظه لا تتحمسين 

سويت على رقبتي و صدري و كتوفي صار يجنن بس لما طلع الشعر يموووووت و طلع حبوب لان دايم اعرق بهذي المنطقه من الطرحه بس مو كثير الحبوب بس ٢ ولا كثر الشعر 

اخر شي لازم تهتمين بنظافه الموس و تخزينه و اذا حسيتي الشفره صارت مو حاده ارميه 

و انتبهي انتبهي تستخدمين موس رجال 

ارسلوا لي البنات صورهم بسناب يخووف طالع لهم شعر مثل الرجال 

هذي تجربتي انا و الي صار معي 

انا مو مسؤله عن اللي بيصير لك ابحثي و شوفي يمكن ما يناسبك 

اي وحده لها تجربه مع هذا الموس تكتبها بصدق عشان الكل يستفيد 

و اتمنى انكم تساعدوني بنشر هذا الموضوع