MY SKIN CARE ROUTIN FOR ACNE || روتين العنايه بالبشرة اليومي و التخلص من الحبوب

السلام عليكم ... اخباركم ؟؟ ان شاء الله بخير 

موضوع اليوم عن روتين و العنايه بالبشره يوميا 

قبل سنه حفيت وجهي و من يومها و انا اعاني من مشاكل ببشرتي 

تخف و ارجع احف و هكذا بس وقفت حف لما اشوف حل للشعر يمكن ليزر 

بشرتي مختلطه الى جافه جدا و صارت حساسه 

 و انا كسوله جدا و ما عندي وقت عشان كذا اخترت الاساسيات بس 

لان لو طال الروتين مستحيل استمر 

اكثر الاشياء اللي تهيج الحبوب الغبار الحر و الطرحه 

اليوم اللي اداوم بالمستشفى يقلب وجهي احمر و يوجع 

الغسول استخدمه مرتين باليوم من كلينيك للبشره المختلطه 

المقشر من بيوديرما استخدمه كل يومين او ٣ ايام خفيف و ما يحسس البشره حبيته 

التونر بعد من كلينيك اذا ما كنت حاطه مكياج استخدمه مره بس لان استخدم ادويه تجفف بشرتي 

و اذا كثرت من التونر احس بشرتي تشد كثير من الادويه مره باليوم احس كفايه علي 

اهم شي بالنسبه لي الترطيب من اليسار زيت لوريال جديد استخدمه مرتين باليوم للحين ما عرفت عنه كثير 

بكتب عنه ان شاء الله 

مرطب كلينيك مرره حلو خفيف و تمتصه البشره احسه مثل البلسم اذا بشرتي متهيجه هو يهديها 

مرطب سيتافيل مررره ثقل و يرطب من قلب يجنن فيه منه انواع للبشرات انا اخترت الحساسه 

مرطب كلينك الدائري ما حبيته و ما استخدمه كثر 

مرطب العين من كلينيك عادي جدا 

روتيني بسسسسيط جدا لان مو وقته اجرب منتجات يمكن تنفعني او ما تنفعني 

هدفي بس اتخلص من الحبوب ما ابي نظاره او حيويه هذي الخطوه الجايه ان شاء الله 

هذي الادويه استخدمتها اول ما طلع الحبوب كنت مسافه و ما ادري ايش اللي صار بوجي 

كل شي كاتبته بالانستقرام 

ما سوت ولا شي  

كان اكثر شي مكان الطرحه على دقني جربت الموز كتبت الطريقه بالانستقرام 

باسبوع تغير وجهي كثيييير خف الاحمرار و اغلب الحبوب راحت 

الصوره اللي تحت قبل و اللي فوق بعد 

لو حبوبك حب شباب اتوقع تنفعك اكثر انا اللي فيني كان التهاب بكتيريا 

بعد فتره رجعت لي الحبوب لاني حفيت و سافرت 

صار الالتهاب اكثر و ما اقدر المسه يوجع و تحت الجلد 

قال لي الدكتور انه ملتهب و المسام مسكره عشان كذا تحت الجلد 

الدواء خفف الالتهاب بس ما شال الحبوب 

بعده غيرت الدكتور 

 و اعطتني الدكتوره العلاج السحري بشهر واحد خفت الحبوب بشكل كبيييير ماشاء الله 

الحين راحت الحبوب الحمدلله بس باقي شوي الاثار مع الوقت ان شاء الله تخف 

انا اكره السفر لانه يطلع لي الحبوب التوتر و الطرحه 

طبعا ابد ابد لا تفكرين تستخدمين دوا من مخك لازم تسالين الدكتور لان اسباب الحبوب تختلف 

يمكن اللي فيك مو مثل اللي فيني 

شكل وجهي الحين يمين تحت مو صافي تماما بس وين كنت و وين صرت 

عارفه البعض يقولون ليش ما تستخدمين راكوتان 

اولا الراكوتان مو لعبه اضراره كثييييره امي و بنت خالتي استخدموه 

حلو بس انا وجهي مو لهذي الدرجه يحتاج راكوتان 

راكوتان للحالات المستعصيه بس 

الخطوه الجايه ان شاء الله بستخدم منتجات تقشير اكثر 

و بعالج الاثار 

اتمنى افيدكم اكثر و اكثر 

بس احتاج مساعدتكم بالدعم 

بدون دعمكم ما اقدر استمر و اعطي اكثر 

و شكرا لكم على كلامكم الحلو