HOW I CURL MY HAIR : LOOS WAVY CULS

السلام عليكم .. موضوع اليوم يخص غبقات رمضان و العيد 

طبيعه شعري ناعم من عادي الى جاف فيه نفشه خفيفه بس خفت كثير 

ما استخدم اجهزة الشعر الا من اجازه رسميه الى اجازه رسميه فقط 

شعري يبقى على اللي ينشف عليه 

اغلب الوقت اسوي جديله و الصبح افكها و يكون مررره حلو 

الشعر على التعويد اذا شعرك متعود على الفير يمسك اللفه بالغالب. 

انا تكلمت بالسناب ان شعري صار ناعم بزياده و ما يثبت فيه الفير 

و الاغلب قال ان المنتجات اللي استخدمها فيها كيراتين تنعم الشعر 

بس انا استخدم اغلب المنتجات من اكثر من ٥ سنوات ،

بس لاني وقفت استخدم الفير .. الحين عادي صار يثبت لاني استخدمه يوم وترك 

بتكلم عن طريقتي كيف اسوي شعري 

اول شي انا شعري يضبط ثاني يوم ما ادري بس انا او لا 

دايم اليوم الثاني من الشاور يكون احلى 

اذا ما كان ناشف شعري اجففه خفيف بالمجفف على البارد و غالبا اخليه ينشف طبيعي 

الاسشوار اخذته من زمان من الكويت كان معرض يبيع ادوات صالون مرره احبه 

الفير من جوسي الحجم الكبير ما اذكر كم ملم مرره حلو يسوي الشعر ويفي مو كيرلي 

قبل ما استخدم الفير استخدم واقي الشعر من الحراره من تيريسمي 

 

 عشان الشعر يكون مرتب امشط الشعر كله بعدين كل خصله امشطها قبل احطها بالفير 

افرقي شعرك قبل لا تبدائين يعني اذا تبينه على جنب افرقيه قبل .

اول خصله تكون على ورا و اللي بعدها على قدام و هكذا 

عشان يكون الشعر اكثف و ما يصير كله نفس الاتجاه و خصله وحده كبيره 

و اذا تبيه يبين مرره طبيعي خوذي خصل كبيره و خصل صغيره .

قبل لا تنزلين الخصله من الفير امسكيها شوي بيدك و خليها لما تبرد و اذا مناسبه مهمه اشبكيها بالمشابك 

لما تخلصين فكي المشابك و رشي شوي بس سبري اذا كثرتي يصير العكس 

شعرك يصير ثقيل و ينزل . بعد ما ترشين السبري فرقي شعرك باصابعك لا تطلعين من البيت و شعرك كانه سلك تليفون

و اخر شي اخذ نقطه اصغر نقطه بالعلم من السيروم و ادفيه بيديني الثنتين 

و اوزعه على اطراف شعري لما يختفي يصير ما فيه شي بيدي احطه على شعري من فوق يخفف النفشه 

و البيبي هير الطاير اذا كثرتي بيدهن انتبهي تتوهقين ترى !!!

تمنى الشرح يكون واضح و مفيد اي سؤال عادي اسألي