اشتريتها بدون ما اقرأ عنها ولا شي شفتها و اخذت منها ٢ اول ما جربتها كرهتها حسيت ان فيها ريحه كانه زيت خروع و كنت ما استخدمها زين لاني ابد ما حبيتها من اول استخدام و تركتها و ما تروح بمزيل المكياج العادي و اختي كانت تقول عكس كلامي انها حلوه و بعد فتره رجعت جربتها استخدمت (عكافة الرموش) << ما اعرف اسمها و حطيت طبقه وحده من فوق و من تحت و بالعين الثانيه نوع ماسكارا ثانيه و قعدت فيها يوم .. و باخر اليوم العين اللي استخدمت فيها ميبلين ما تغيرت ابد ابد و العين الثانيه كان من رموشي اللي تحت نازله الماسكارا و محوس
**الصوره من النت
تركيبتها خفيفه بسرعه تجف فرشاتها ما تكّتل الرموش و تخلي كل رمش لحال سوادها كويس و تلف الرموش بس مو مره اذا
استخدمتي عكافة الرموش قبل راح تبقى اللفه طول اليوم يكفى طبقه وحده ما تروح بالماء لاني اخذت اللي ضد الماء ولا بمزيل المكياج العادي بس تروح بسهوله مع مزيل خاص بمكياج العيون ما تضايق ولا تحسي انها بتتكسر
تقييمي لها ٩/١٠ ما اتوقع ارجع اشتريها ودي اجرب انواع جديده بس انصحكم تشترونها
سعرها مو غالي اتوقع انها ب ٥٠ او ٤٥ ريال
تلقيها ب سنتربوينت او بالصيدليه
ليست هناك تعليقات:
إرسال تعليق