products I purchase a lot منتجات اشتريها دايم

 

                                                          

 السلام عليكم .. اخباركم ؟؟ ان شاء الله بخير ❤❤

اليوم بتكلم عن اشياء دايم اشتريها و ع الاقل مرتين فيه اشياء برجع اشتريها و اشياء خلاص ماراح اشتري . 

                                        

بديل الزيت من بانتين : اتوقع من كنت بالروضه و انا استخدمه لاني ما كنت احب الزيت ابداء و مازلت ! امي لقته و من يومها و انا استخدمه.  استخدمه قبل اغسل شعري و كنت بالماضي اذا ابي اجعد شعري استخدمه بدال الجل . قبل اسبح بالبحر لازم استخدمه لان شعري يصير يابس من ماء البحر المالح و اذا نشف من الماء يصير نافش بشكل مقرف و ابي يكوني شكلي حلو بالبحر قدام صديقاتي يصير ويفي حلو و بسرعه ينفك التشابك من شعري اذا تروشت . 

برجع اشتريه لاني متعوده عليه احس صار جزء مني . >> التعبير 💔

                                        

كريم و سيروم من لوريال : جربت الكريم اول قبل ٤ سنوات و مررررررره اعجبني مستحل مستحل استغني عنه و طبعا لازم اجرب باقي المجموعه اللون الوردي من الكريم مرره ما نسبني تكلمت عنه قبل . استخدمه هو و السيروم بعد ما اغسله الكريم احطه من تحت اذاني الى اطراف الشعر و السيروم على الاطراف و اذا استشورت شعري احط نقطه صغيره على شعري يهديه لان يكون فيه كهرباء و يتطاير . 

اكيد برجع اشتريه اصلا دايم اشتري قبل يخلص 

                                        

شامبو و ماسك من لوريال : مثل ما قلت بعد ما اشتريت الكريم تحمست لباقي المجموعه البرتقالي من ٤ سنوات و الاسود قبل فتره الشامبو حلو >> ما عندي شي اقوله عنه . الماسك بعد ما استخدم الشامبو احطه على شعري ٥ دقايق و اغسله مررررره جميل خصوصا البرتقالي 

برجع اشتريه 

                                        

مزيل مكياج من كلين اند كلير : حلو جربت غيره بس هذا احسن نوع للحين . بس ما يمسح الماسكارا ضد الماء لازم مزيل مكياج للعيون . تكلمت عن ازاله المكياج بالتفاصيل قبل . 

ودي اجرب غيره بس اذا ما لقيت شي ينفع برجع له . 

                                        

معجون اسنان كلوز اب : كنت مرره احب هذا المعجون خصوصا الاخضر انا احب المعجون اللي يكون جل و هذا يخلي احساس بالانتعاش ما يبيض ابد بس يمشي الحال . 

ماراح ارجع اشتريه لاني لقيت اللي احسن منه >> تكلمت عن تنظيف الاسنان قبل 

                                        

كريم من جونسون : احب هذا الكريم للاستخدام اللي كل شوي و دايم اشتريه ما يسوي شي مرره ترطيبه حليو >> تصغير حلو هههه . اللي ما احبه هو اني لازم اغط يدي فيه احس يتوسخ بعدين 

كل مره اقول ماراح اشتريه و ارجع له هو و دوف 

                                        

مزيل عرق من ليدي سبيد : اللي فيه وردي معطر و الثاني مو معطر ريحته تجنننن استخدمه و اذا جيت انام انظف المنطقه عشان المسام ما تنسد . لانه مزيل عرق مو مزيل رائحه العرق 

المعطر ماراح ارجع له لاني اخاف تسمر المنطقه بس ريحته تعجبني اما الغير معطر اكيد برجع له . 

                                        

مرطب سفايف من eos : اشهر شي هذي الفتره بس يستاهل ترطيبه حلو و طعمه لذيذ 

برجع اشتريه ما لقيت احسن منه 

                                        

فاونديشون من ميبلين : حبيب امي❤❤ اللي ينباع هنا غيييييير اللي برا كل مره امي تشتري درزن من لندن هههههههه>> اتكلم من صدق .  و انا اسرق منها دايم  صراحه انا مو مره مره احبه بس احسه يمشي الحال فيه افضل منه اكيد

اكيد امي بترجع تشتريه و انا برجع اسرق منها بس من نفسي ما اشتريه . 

                                        

كحل سائل من برجوا : افضل نوع جربته الفرشه حلوه سواده حلو و ينشف بسرعه و سعره احلى 

برجع اشتريه بس ما يمنع اني اجرب غيره 

                                        

بودره فاونديشون من صبايا مكياجي : اول ما بديت المكياج جربتها و عجبتني كل مره ارجع لها حلوه ما تصير كانها طحين ابد بتكلم عنها قريب ان شاء الله 

                                        

كونسيلر هايلايتر من لانكوم : اشتريت ٣ كل الدرجات ما يغطي ولا شي بس استخدمه فوق الكونسيلر كهايلايت بس سعره مو حلو يعتبر غالي على ولا شي و بسرررعه يخلص 

بصير خبله لو رجعت اشتريته >> ادري كنت خبله ٣ مرات ههههههه مدري وش كان عاجبني فيه !! 

                                        

قلوس من ماك : استخدمه يوميا للجامعه حلو و لونه مناسب بشرتي فيه قلتر خفيف 

ماراح ارجع اشتريه 

                                        

جل لاينر من ماك : ضحكت على اللي تبيع و اشتريته بس صدق صدق افضل شي جربته بحياتي بتكلم عنه ان شاء اللة 

اكييييد برجع اشتريه 

ايش الاشياء اللي انتي دايم تشتريها ؟؟ و ايش تنصحيني اجرب و ايش رايك باللي انا جربتها اذا نفس رأيي او غير !! راسليني على التويتر و شبه يومي انزل ريفيو و انطباعي الاول على الانستقرام @NMS_Fashion