السلام عليكم .. اخباركم ؟
اشتريت بهذي الفتره شنط كثير و كلهم مره عاجبتني كنت قبل بس اشتري شنط كبيره بس اكتشفت اني اعبيها على الفاظي و كلها تندرج تحت مسمى يمكن احتاجها و ما استخدمها . اما الشنط الصغيره مو بكيفي اعبيها بس احط الاساسي .
شنطة مايكل كورس مرره عاجبتني الصغيره و لقيتها بالفيصليه و مو غاليه بس ابوي حطمني يقول شكلها "ابو رفسه" و ان ما عندي ذوق و شلتها من بالي 💔💔
هذي الشنطه ابوي مره معجب فيها و اخذتها لونها مره حلو و مفيد . و الاهم انها كروس بدي .
استخدم هذي الشنطه للمشاوير و الاستخدام اليومي مو للجامعه . السحاب اللي ورا بس للمفتاح و الهدفون . اخذت المعقم من باث اند بودي الحين فيه تخفيض المعقم ب ٣ ريال بس انا اخذته زمان .
حجمها مره صغير بالضبط مثل ايباد ٢ اخذتها من كوتش ب ١٣٠٠ ريال من الفيصليه .
من داخل فيها جيبه للجوال و بالجهه الثانيه سحاب .
بس احط سناك و قلم بالعاده بسكوت او كوكيز .
هذي كل الاشياء اللي بالشنطه بس زياده مطاره ماء هيلوكيتي بس لاني مسافره اخذت وحده كبيره .
من اهم الاشياء عندي هي هذي البندانه اخذها بكل الشنط لان دايم شعري يسوي مقالب فيني و اذا فكيت الطرحه يكون لاصق و هذي تناسب مع كل شي و ثابته على الراس ما تطيح .
مناديل ديتول المنقذ دايم معروفه فوائده .
جوالي i phone 5 و الكفر من بينك فيكتوريا سيكرت .
كريم معطر من باث اند بودي رايح فيها زمان عندي بس ريحته مررره حلوه و العطر من فكتوريا سيكرت اخذته بالتخفيض . >> طبعا مو للمناسبات .
ميدالياتي كلها شريتها من امازون >> فيه اكوت ؟؟
شنطه المكياج من ماك من زمان . >> كل شي فيها للاحتياط بس . طبعا اذا كنت ابي اطلع مناسبه مو كذا اللي فيها ابدا .
كلها قلوسات هذا غير eos قلوس لذيذ من فيكتوريا سيكرت - قلوس من ماك - مرايه من سنتربوينت - مرطب من H&m - كونسيلر من ريفلون - قلم حواجب ما استخدمه من ايسنس - معقم ثاني من باث اند بودي - عطر صغير من قوتشي - وصله شاحن سياره - USB .
بوكي من توري بورتش كله حوسه و فواتير و دايم مفلسه . اتوقع انا الوحيده اللي تروح كل مكان حتى السوق و جوازي معي >> لاحد يسأل ليه لاني ما ادري .
من ظمن الحوسه اللي ببوكي فيه عود اذان و عود اسنان و بنسه و حديده الايفون .
وفيها سوارتي من كارتير ما ادري وش دخل !! و حلق صغير .
و دايم يكون معي مشرط او سكين صغيره هذي سكين اختي انا خفت اجيبها معي بالطياره لاني جيت بطيران دولي >> الحمدلله ما جاء وقت احتاجها و ان شاء الله ما يجي بس احس بهذا الوقت لازيم .
ما احب اخذ معي علك بالشنطه لاني اقرف اكل قدام الناس لاني احس شكلي يصير مقرف!! اكله اذا كنت لحالي بس . و ربطه الشعر دايم بيدي تكون هذا كل شي... ايش اغرب شي بشنطتك ؟؟
اذا اعجبك البوست انشريه و اذا حابه اكتب عن شي معين للبوست الجاي اكتبي لي بالتويتر و الانستقرام .
ليست هناك تعليقات:
إرسال تعليق