السلام عليكم .. اخباركم ؟ان شاء بخير
اليوم بتكلم عن موضوع اخذ اكبر من حجمه بالاعلام و برامج التواصل الاجتماعي
شفايف كايلي جينر
غلط اننا نقلد تقليد اعمى بس لانه مشهور !! بس مو غلط اننا ناخذ الشي الحلو و اللي يناسبنا
الصراحه انا من المعجبين بالتغيير الي سوته احسها صارت اجمل بس ان شاء الله ما تنهبل و تبالغ بالمستقبل
طبعا هي نفخت شفايفها و زياده على كذا ترسم شفايفها بشكل يكبرهم
اليوم بتكلم عن طريقتين لتكبير الشفايف
قبل نبدا لازم نجهز الشفايف
التقشير جدا جدا مهم اذا حابه شكل المكياج يكون اجمل و انظف
فيه انواع كثير مقشرات شفايف بالسوق بس تقدرين تسوينه بنفسك
(سكر - زيت زيتون او عسل - عصير ليمون )
اغلب الوقت ما يكون لي خلق اسوي مقشر و اسرع لي استخدم فرشه اسنان نظيفه
بعد التقشير لازم ترطبينها و بعد فيه انواع كثيير
بس انا افضل الفازلين قبل النوم خصوصا بالشتاء
انتبهي تحطينه و تطلعين للشمس لانها تسمر
استخدمي نوع فيه واقي من الشمس
هذي الرسمه توضح اجزاء الشفايف
مثل ما قلت قبل بتكلم عن طريقتين اليوم
اول طريقه
الشفايف 3D يعني ثلاثيه ابعاد
اذا ما تحبين ترسمين فوق خط الشفايف و تبينها تبين كبيره بس طبيعيه
استخدمي قلوس لان القلوس يعكس الضوء و يبين شكلها اكبر
الطريقه انك تستخدمين لونين اللون الفاتح بالنص يبين شكلها منفوخ اكثر
الطريقه الثانيه
لازم تستخدمين منتجات مات ولا فيه شمر او اول قلتر او حتى شوي قلوس
هذي الطريقه انك ترسمين الشفايف اكبر بمحدد الشفايف
الخط الغامق ترسمينها فوق خط الشفايف الطبيعي
اما الخط الفاتح لازم على نفس خط شفايفك الطبيعي
الخط الفاتح ارسمي من تحت لفوق عشان تبين مدوره و مزمومه
بهذا المكان تستخدمين هايلايتر مات افتح من الروج
و هذي طريقه عشان كل الجهتين تبين متساويه
فكي المنديل و خليه طبقه وحده بس حطيه على شفايفك و ببودره شفافه طبطبي على الشفايف
و ارجعي حطي روج مره ثانيه
كذا يكون الروج مات و يدوم مده طويله لانه صار طبقتين
هنا الميك اب ارتست ما استخدمه روج مات و الضوء عكس على خط شفايفها و بين انها راسمتها
هذا شكل شفايفها الطبيعي
هذي الالوان تكلمت عنها بالانستاقرام و مره قريبه من لون روج كايلي
هذا روج كايلي من ماك اسم الروج Brave و المحدد Whirl
و هذا بديل من NYX
اللي فوق ريفلون و اللي تحت ماك
و اخر شي بقوله انه الاوان الفاتحه تبين الشفايف اكبر من الالوان الغامقه
ان شاء الله تستفيدون من الموضوع اكتبوا لي اقتراحاتكم
ليست هناك تعليقات:
إرسال تعليق