السلام عليكم ..اخباركم ان شاء الله بخير ..
اليوم بتكلم عن انطباعي الاول عن فاونديشون و كونسيلر ديور
امس اشتريته من دبنهامز المملكه
Dior NUDE سعره ب ٢٤٥ ريال
العلبه زجاج فيها ٣٠ ملم كميه كويسه
العلبه شكلها انيق بس احس ما تناسب اللي يسافرون كثير
الحلو فيه انه ضغط غير كذا انه تقدرين تضغطين ربع و نص
مو مثل بعض الانواع ما تقدرين الا ضغطه كامله و تكون الكميه كبيره
و يضيع عليك على الفاضي لو ما تحتاجينه
هذي الدرجه اللي اخذتها
و اخيرا و لاول مره بحياتي اشتري فاونديشون بالضبط بالضبط مناسبه لي
اليوم حطيته للدوام الصبح
بشرتي مختلطه التي زون دهني خفيف
و خدودي جافات
و بشرتي فيها حبوب على خد واحد
وزعت ضغطه وحده على كل وجهي بالبيوتي بلندر
و غطى اغلب شي غير الحبوب الكبيره
و ضغطت نص ضغطه و وزعته باصبعي على الحبوب
انتظرت شوي و دمجته بالبيوتي بلندر
وترااااا بشرتي صارت تجنن
بدون برايمر او بودره
سهل جدا بالدمج
مو مات ولا دوي شي بالنص
ابدا ما حسيت اني حاطه شي
و ابدا مو مبين اني حاطه فاونديشون كانه بشرتي الطبيعي كذا
دايم مشكلتي اخر اليوم يتجمع الفاونديشون حولين الحبوب و تطلع قشور بهذا ابدا ما صار شي
و الحلو بعد فيه ان تغطيته خفيفه و متوسطه و فل على حسب الكميه
نهايه الدوام ما تغير ولا نقطه
نمت فيه مع اني ما احب انام بمكياج
و قمت ٨ بالليل و كل شي كويس عدا حبتين بينو
لانهم كبار
ما كتل ابد
اعطيه ١٠٠٠/١٠
بالمختصر يجنن
اخذت بعد كونسيلر من STAR سعره ١٦٥
العلبه مرره صغيره فيها ٦ ملم
و بلاستيك
الابلكيتور مثل القلوس
وهذي درجتي افتح نوع اخذت على بيج اكره الوردي
مررره بعد مناسبه لبشرتي
تركيبته كريميه ثقيل فل كفر
نقطه تكفي
وزعته بنفس الابلكيتر
بعدين باصبعي و اخر شي كل وجهي بالبيوتي بلندر
ابدا ما خطط تحت عيوني
اخفا كل الهالات و كان فيه اضائه
يناسب المناسبات اكثر من الصباح
بعد مرره اعجبني
هذا انطباعي الاول يمكن يتغير و يمكن لا ما اقدر احكم عليه بسرعه اذا جربتوه اكتبوا لي تجربتكم معه
هاليومين قاعده ادور على فاونديشن زين والحمدلله طحت على مدونتك
ردحذفبإذن الله شاريته لأني اعاني من الحبوب بشكل :(
لاجربته بإذن الله بمر اكتبلك تجربتي
يعطيك العافيه :)3>
الله يعافيك خوذي عينه قبل تشترينه عشان ما تتوهقين فيه
حذفمرررا جناان هذا الفونديشن
ردحذفالله يعطيك العافيه
ريفيو جميل شكرا
ردحذف