تجهيزات العيد ||COLLAB WITH ROSEGOLDBLOG

 

السلام عليكم و كل عام و انتم بخير 

هذا البوست كولاب مع البلوقر 

ROSEGOLDBLOG 

انا بتكلم عن المكياج و هي عن تنسيقات ملابس العيد 

موضوع اليوم عن مكياج العيد 

و كيف تغيرينه من صباح الى مساء

طبعا نحتاج شي يضل كل اليوم 

انا غالبا اغفي الظهر و ما امسح مكياجي لان ما فيه وقت ارجع اعيده 

بس ارجع اضبطه اذا قمت فاحتاج مكياج واتر بروف 

طريقتي مو افضل شي و مو كلها صح بس تناسبني و تناسب ظروفي 

مكياج الصباح يختلف عن المساء 

الالوان و الطريقه و المنتجات 

اختاري فاونديشون دوي شوي هايلايتر طبيعي و لا تبالغين بالكونتور 

ركزي على ابراز جمالك مو جمال المكياج نفسه 

ولا تختارين ارواج غامقه 

اذا تبين المكياج يدوم وقت طويل لازم برايمر اي نوع يناسب بشرتك 

انا بشرتي مختلطه الى جافه 

لان بشرتي فيها اثار حبوب و هالات 

استخدم كوريكتر على الهالات و كونسيلر كريمي ثقيل على الحبوب 

 

 لان غطيت الاثار بالكونسيلر ما احتاج فاونديشون فول كفر 

اخلط الفاونديشون مع هايلايتر سائل و اوزعه على وجهي 

اذا تبينه يكون اثقل استخدمي فرشه بعدين ادمجي بالبيوتي بلندر 

احب وجهي يبين صحي مع انه العكس 

استخدم حولين العيون كونسيلر ثقيل و فول كفر من ميك اب فورايفر 

ادمجه مع ديور ستار

للكنتور استخدم فاونديشون ستك درجه موكا من ميبلين فت مي 

يندمج كويس و يبين طبيعي 

بلشر كريمي من بينيفت >> المنتجات الكريميه ثباتها اقوى من الباودر

هايلايتر سائل من بينيفت لونه على وردي 

استخدمه بس على عظمه الخد و الجبهه  

ضروري برايمر للاي شادو او بيس 

ارسم حواجبي باي شادو بني فاتح من ماك و نهايه الحاجب بجل بعد من ماك 

و اثبت و افتح حواجبي بمسكارا فاتحه 

و من نفس الباليت استخدم الوان مات اسوي فيها الاي شادو 

لا تخارين شيمر و قلتر فوق عيونك لان تحت الشمس بتصيرين حفله 

ممكن اتنازل عن القلتر مع اني من عشاقه بس ما اتنازل عن الكات الي

لازم لازم ايلاينر وتر بروف 

استخدم جل اسود قبل لان لو غلطت بالسائل خلاص مستحيل ينمسح 

عادي يقعد اسبوع بدون مبالغه

استخدم رموش وسط لا ثقيله ولا خفيفه لانه مو دوام جامعه هذا عيد 

مسكره بينيفت تعكف الرموش و ميبلين فوقها لانها وتر بروف 

اثبت المكياج بلوس باودر بشكل خفيف لان اغلب اللي استخدمناه كريمي 

لشفايفي احددها و اعجبيها بلب لاينر من ماك اسمه سبايس 

و فوقه لب قلوس نفس اللون 

 اخر شي ارش من فكس بلس على كل وجهي 

 المساء ما امسح مكياجي بس ازيده و اضبطه 

ارش فكس بلس على وجهي و اطبطب بالبيوتي بلندر اضبط شوي الفاونديشون

بدون ما احط جديد 

 

استخم برونزر و بلشر و هايلاتر بشكل اكثر 

على الجفن المتحرك احط بيس ذهبي  بلمعه 

و على الجفن الثابت شوي شادو برتقالي يسهل دمج الالوان الغامقه 

ما يبين برتقالي على الجفن ابدا 

شادو ذهبي من ماك علي الجفن المتحرك 

و النهايه اسود مات و ادمج كويس 

افضل جزء بالمكياج هو القلتر فوق الايشادو البودره احط قلتر و اثبته بقطره انقلوت 

 داخل عيني لون بيج و مدمع العين هايلايتر من بنفت 

ازود رموش فوق اللي علي اما حبات او كامله 

و روج سائل من فور ايفر ٥٢ و بالنص من توفيسد  

لانه مات احتاج تحته ترطيب 

تقريبا اللوك يكون كذا 

هذا اللي يناسبني شخصيا ممكن ما تحبين القلتر لا تحطينه بس استفيدي من الفكره

و بس اتمنى يعجبك اذا حابه تشوفين تنسيقات ملابس للعيد

من البلوقر  ROSEGOLDBLOG

هنا