MAC eye brows crayon VS Anastasia beverly hills Brow Wiz مقارنه بين اقلام الحواجب من ماك و انستازيا

السلام عليكم .. ان شاء الله بخير

من زمان عن التدوين بس بحاول ان شاء الله اكتب اكثر.

موضوع اليوم عن أقلام الحواجب. كنت مره ضدهم  احسهم يعطون منظر مو طبيعي لما جربت قلم انستازايا غير كل شكل حواجبي و النتيجه عكس ما كنت متخيله تماما.

يرسم الحواجب شعره شعره , و يندمج مع الشعر بشكل ممتاز.

الحلو بالقلم ان معه فرشه, طبعا مره ضروري تمشطين شعر الحواجب.

فيه الوان كثره و قريبه من بعض يعني بتلقين اللي يناسبك ان شاء الله.

القلم شوي جاف اذا رسمت فيه ما يتحرك او يخف بعد فتره خصوصا مع النقاب يكون ثابت و هذي اهم ميزه بالنسبه لي.

ما يحتاج برايه لانه ينلف لفوق و دايم يكون حاد.

سعره تقريبا 99 ريال

سلبيته بسرعه يخلص و مو متوفر غير بسيفورا.

من بعد انستازا تحمست اجرب أقلام اكثر و جربت ماك و للأسف ما كانت تجربه حلوه.

القلم مو ثابت يبهت بعد فتره .

فيه فرق بين حواجبي و القلم مع انه الدرجه صح بس مو مبين انه طبيعي.

جدا كريمي أي لمسه بالغلط يحوس الدنيا.

ما له فرشه للأسف, اذا لفيت القلم ما اقدر ارجعه يعني انتبهي لا تتحمسين .

يرسم الحواجب شعره شعره بس افضّل انستازيا .

بعد كل هالسب ترى مو أسوء شي بس ابد ما توقعته من ماك لاني من عشاقه

لو جربته قبل انستازيا يمكن حبيته.

سعره أتوقع 100 او 99 ريال

فيه درجات






ايش افضل منتج جربتوه للحواجب ؟ انا متحمسه اجرب بينيفت الجديد.
اتنمى انكم استفدتوا من التدوينه و لا تبخلون علي بنشرها