السلام عليكم..
كيف تجهيزاتكم للدراسه .. اتمنى لكم التوفيق
و الف مبروك القبول بالجامعه للمستجدات .. اليوم ان شاء الله بتكلم عن روتيني للمكياج اليومي ، صراحه انا للدوام نادر ما احط مكياج لان اغلب الوقت اكون مغطيه وجهي و ما يكون لي مزاج خصوصا مع ضغط الدراسه و الاختبارات .
فيه بنات ماشاء الله الصبح تجي فول ميك اب >> مو غلط بس الغلط هي طريقه و الوان المكياج حطي في بالك الوقت و المكان (لمعه و روج عنابي و كات اي ) ايش بقيتي للسهره و الاهم من كذا رموش صناعيه
لا تنسي اذا كثرتي مكياج مع الحر بيسيح و بيصير كيكي ، كل اللي عليك تسويه غطي العيوب و ابرزي الجمال بس .
مهما كان لون بشرتك مع المكياج الخفيف بيبين جميل
بعد ما اخلص روتيني الصباحي ( تكلمت عنه بالتفصيل قبل )
هذي كل المنتجات اللي استخدمها
تنتد مويسترايزر من كلينيك- ( كريم مرطب فيه لون و حمايه من الشمس ) قريب من فكرة البي بي كريم
يعطي تغطيه خفيفه اول ما تحطيه يكون ابيض شوي و يصير نفس لون بشرتي اول ما استخدمته ما حبيته بس بعد كذا حبيته خصوصا اني اثق بمنتجات كلينيك
كونسيلر من ميك اب فور ايفر فول كوفر -اذا كان عندي حبه او مشكله كبيره ببشرتي اغطيها
هيلايتر كونسيلر من لانكوم - لتحت العيون يعطي تغطيه للهالات السوداء و يفتح و يعطي شوي اضائه
بودره من ماك - بالفرشه اوزعه على وجهي بشكل خفيف
بلاشر من برجوا- احب الالوان المشمشيه للصباح
تاتو الحواجب من ميك اب فور ايفر - اعبي الفراغات اللي بحواجبي بدون ما اغير شكلها
عكافة الرموش من اتش اند ام - استخدامها عادي جدا
ماسكارا من نمبر ٧ - لونها بني تقريبا طبيعيه ما تطول ولا تكثف للاستخدام اليومي حلوه بس المناسبات ابدا ما تصلح
قلوس شفايف من ماك - لونه وردي فاتح الثاني على شفاف جميييييل فيه لمعه خفيفه
هذا كل شي استخدمه و الحمدلله دايم اكون راضيه على النتيجه
ايش روتينك لمكياج الصباح ؟ و المنتجات اللي تفضلينها ؟؟
اذا اعجبك البوست ساعديني على نشره لتفيدين بنات اكثر ، راسلوني على التويتر و الانستقرام @ NMS_Fashion
❤❤
ليست هناك تعليقات:
إرسال تعليق