السلام عليكم ..
اخباركم ؟ ان شاء الله بخير ❤❤
كل وحده عندها طريقه بتخزين العطور بس احسن طريقه انك تجملي فيها غرفتك .. شكلها على التسريحه يمين و شمال ابد مو حلو!! حلو انك تحطيهم ب صينيه على التسريحه او الطاوله في الغرفه، فيه كثير اشكال !! شفت صينيه عند سنتربوينت عليها مرايا مره حلوه و كلاسيك بس سعرها ما اعجبني سهله مرره مرايه عاديه و عليها كريستال فقررت اني اسويها بنفسي
انا متأكده ان كل اللي تحتاجينه موجود بكل بيت ..
صينية او حصن ( احسن شي اللي تكون لها حواف مثل اللي تجي من محلات الحلويات )
صبغ بخاخ ( اختياري اذا ما اعجبك لون الصحن )
صمغ ( افضل شي غراء الخشب )
مرايا ( اي شكل اما تشتري صغيره او تكسري المرايا الى قطع صغيره )
متوفره في كل مكان ( ابو ريالين - المكتبات - محلات الكلف )
هذي فكيتها من كرات الديسكو مره صغيره
اول شي صممي الشكل اللي تبين اذا اعجبك حطي الصمغ اول شي القطع الكبيره بعدين الفراغات القطع الصغيره اذا جف الصمغ يصير شفاف
انا اخترت ما اصبغ الصينيه،، بالمناكير لونتها ( شفاف فيه شوي قلتر)
من ولا شي صار عندك اجمل تحفه مو بس للعطور تقدرين تحطين فيها اي شي تبين
و بس اتمنى انها تعجبكم الفكرة البسيطه و تنفذينها
ارسلي لي صورتها و بكون مرره مبسوطه ❤❤
Twitter: @NMS_Fashion
Instagram: @NMS_Fashion
ليست هناك تعليقات:
إرسال تعليق