السلام عليكم .. اخباركم ؟ ان شاء الله بخير ❤❤
قبل ما ادخل في بوست اليوم ابي اقول ان الهدف من هذا البوست انه يلهمك او يعطيك افكار ترتبي غرفتك .
الشي الثاني غرفتي هذي من ٩ سنوات كانت بالضبط مثل ما تخيلتها مرره عاجبتني .. بس صار لي ٤ سنوات بالرياض و هذي الغرفه بس بالاجازات اجيها و مره ما اهتم اني اغيرها او اضبطها .. الغرفه صغيره داخل غرفتي و نفس الادراج تفصيل من سكنا بيتنا قبل ١٧ سنه اللون ابدا مو عاجبني ودي اصبغها ابيض او بني غامق و لون الجدار وردي فاتح >> طبعا لما كنت صغيره اخترت هذا اللون . ودي لو ارجع اغير اللون بس قريب بنبني بيت جديد ان شاء الله .
بالرياض ما عندي غرفه ملابس مررره حوسه و ما احبها . تعوده على هذي .
الغرفه بدون باب بس قوس على طول الجدار اليسار فيه مرايه كبيره .
اعلق الستيتمنت نكليس على المرايه عشان اذكرهم لاني اعتبرهم لبس .. العلاقات هم بالاصل علاقات ستارة الشاور بس انا استخدمهم الاكسسوارا ..
بالوجه فيه ارفف صغيره احطهم للشنط مو كل الشنط لانه ما يكفي . بغرفة ملابس امي فيه درج له باب عشان ما يتغبر .. الادرج السحب فيها الملابس الداخليه و هيلاهوب ، شورتات ، و تنك توب **البديات . مرتبتها ب صناديق.
اول رف فيه الشنط اليوميه . و صندوق فيه مزيل العرق البودره و لوشن و بدي سبريه . >> الزايد اخليه بنفس الغرفه .
ثاني رف لشنط السفر شنط المكياج و شنط الكريمات و اغراض الشاور تكون على طول مجهزه عشان وقت السفر ما انسى . و فيه بعض الكلتشات . الثالث و الرابع الشنط الكبيره . احط داخلها مخدات صغيره عشان ما تتعفط .
كل التوبات ارتبهم على حسب الالوان. تحت مسفطه الملابس اليوميه تقريبا من اليسار البناطيل الجديده او اللي استخدمها دايم ، بعده بناطيل القطن ، البيجامات ، و اخر شي التيشيرتات .
الرف الاول من اليسار الجينزات اللي مو دايم البسهم، البناطيل ، توبات قطن اكمام طويله ، بعده سويترز صوف .
الرف الثاني من اليسار ارواب البيت للشتاء ، و بعده بلوفرز و كارديقانز .
الجهه الثانيه فيه من اليسار الفساتين الماكسي بعده القصير بعده بالطوات و جاكيتات الشتاء مرتبه على حسب الالوان .
الرف الاول من اليسار التنانير المشجره ، التنانير الملونه ، التنانير الالوان الاساسيه و اخيرا التنانير السود .
الرف الثاني فيه كراتين الجزم اللي مو دايم البسها و ما ابيها تغبر .
ورا هذا الدرج فيه شباك بس سكرناه لانه كان يدخل غبار . بين الدرجين فيه شماعه اعلق عليها ارواب الحمام شكلها مررره مو حلو بس هذا المكان الوحيد لها .
اخر درج فيه اغراض السفر . لاوندري باق ، دست باق للجزم و الشنط و اكياس اغراض السفر ، و علاقات زياده .
هذي مو كل الجزم بس الجزم اللي استخدمها ..
اول رف فيه ابوات الرياضه هذي اغلبها جديده القديمه كلها بالرياض ما احتاجها هنا .
ثاني رف فيه الاسود و الرمادي .
ثالث رف فيه الفضي و الذهبي و النيود .
اول رف فيه الوان الطبيعيه و الاحمر و البرتقالي .
ثاني رف الازرق و الاخضر و بعض الفلاتات الجديده .
اخر رف فيه فلاتات .. و بعد فيه فلاتات و كروكس بالدور الارضي اسرع اذا عندي طلعه سريعه .
اخر جدار فيه لوح انا مسويتها . العلاقات فيها سلاسل البسها دايم و بسرعه تتعقد .
الترتيب فيه شي غلط بس ما ادري ايش .
اللي بالنص لوحه فلين اعلق عليها الحلقات الصغيره .
و اخر شي الارض فيه كرسي صغير لاني قصيره ما اطول اللي فوق .
و الحمرا هذي مخدة الارض اغلب وقتي بهذي الغرفه يا اجلس انسق ملابس او انسدح اتامل السقف او انا و اختي نحش و نسولف ما ادري ليش نترك كل البيت و نجلس هنا ..
و بس اتمنى البوست يعجبكم و ايش احسن و اسواء شي بالغرفه ؟؟ و اذا عندك طرق ترتيب معينه .
فيه بوست ثاني جاهز طريقتي بالفاونديشون اذا شفت انكم ساعدتوني بنشره بنزله ان شاء الله. ❤❤
جمييل رغم ان الصور صغير :( بس حبيييت البوست احب سوالف التور في الغرف
ردحذفان شاء الله بالمستقبل اضبط المشكله اللي بالابتوب ❤
حذفحبيت البساطه اللي فيها و مريحه للعين ، وحبيت اضافتك لبصمتك الخاصه ،بس هوا لون الجدار اللي طالع غلط
ردحذفيعطيكي العافيه ♥