السلام عليكم .. اخباركم ؟ ان شاء الله بخير .
اليوم بتكلم عن روتيني بالفاونديشون للبشره المتضرره و طريقتي باستخدام البيوتي بلندر .
قبل شهر تقريبا حفيت وجهي بالشمع لثاني مره و طلع لي حبوب مررره كثيره و اثر على ثقتي بنفسي بس الحمدلله راحت الحبوب ٨٠٪ .
بشرتي الحمدلله ماكان فيها حبوب و ما كنت عارفه كيف احط مكياج و جربت كثير طرق الى ما وصلت لاحسن طريقه .
اول شي لازم تهتمي بنظافة ادوات المكياج لان ممكن تعدين نفسك و انتي مو عارفه و تنتقل الحبوب من جهه الى جهه سليمه . بالانستقرام كتبت طريقتي بغسل البيوتي بلندر .
بللي البيوتي بلندر و اعصريها .
اوزع الكريم على وجهي بالبيوتي بلندر عشان اضمن تماما انها ما تمتص الفاونديشون ابدا و يكون اسهل بالدمج .
احط روج برتقالي بمكان الهالات السودا او اذا عندك كوريكتر عشان ما يقلب الكونسيلر رمادي .
و احط برايمر على المسامات بس انا عندي مسام بس بانفي .
هذا الكونسيلر كنت مره كارهته لاني ما كنت عارفه له بس الحين اعجبني .
فيه خطوه مره مهمه هي اذا بتوفرين كميه الكونسيلر استخدمي الفاونديشون اول لانه ممكن يغطي لك العيوب ما يحتاج تحطي كونسيلر و هو كذا ولا كذا بيتغطى بالفاونديشون .
انا جربت طرق كثير و عرف ايش العيوب اللي تحتاج كونسيلر . احط الكونسيلر على الحبوب بس قبل الفاونديشون و ما ادمجها الى الحين .
انا اخترت فاونديشون مره خفيف عشان يبين بشرتي الكويسه لان مره غلط تحطي شي زي القناع مره بيبين انه بشرتك تعبانه بس غطي العيوب حطي عليها ١٠٠ خط احمر .
انا احب برجوا هلثي مكس احط على نفس البيوتي بلندر الفاونديشون و اضائه من كلينيك و انقط على كل وجهي لما يتقسم بالتساوي بعدين ادمج بالطبطبه كانك تدخلين الكريم داخل بشرتك ابدا ما يبين ان فيه طبقه ثانيه فوق الجلد و احط طبقه ثانيه من الفاونديشون بس على الحبوب و اهم شي توصلين الفاونديشون للرقبه او الصدر .
ب كونسيلر فورايفر احط تحت عيوني استخدم اصبعي بعد بالطبطبه بشكل مثلث مقلوب عشان يعطي اضائه للوجه ( تكلمت عن الاضائه ب بوست قبل ) بعده استخدم الجزء المدبب من البيوتي بلندر و ادمج الكونسيلر .
استخدم الفرشه مو دايم بس اذا كنت ابي طبقه على جزء معين مثل على الذقن لانه اكثر مكان فيه حبوب استخدمها . بالبيوتي بلندر احط بودره شفافه من ريميل بس على الاماكن اللي فيها زيت مثل التي زون و تحت عيوني عشان ما يخطط و بعده اسوي الكونتور >> اذا حابين اتكلم عن الكونتور اكتبي لي . و اذا فيه مكان بوجهي مو راضي يندمج بعد الكونتور ارش فكس بلس على وجهي و ادمج مره ثانيه و اذا كثرت بودره بعد .. و بس اذا بشرتك تعبانه لا تستخدمين مكياج مات لانه يبرز العيوب احسن خليه دوي و فيه اضائه يبين صحي اكثر .
حابه اقول شي مره مضايقني كل ما زاد الفلورز قل التفاعل كأني قاعده اكتب لنفسي . على ما اكتب بوست واحد ياخذ من وقتي كثير صدق انا ابي اجر بس بعد ابي احد يشجعني لازم يكون فيه تواصل بيننا عشان اعرف ايش تحبون و ايش يناسبكم و تفيدوني و افيدكم و فيه بنات حتى بلايك يبخلون علي قلت رمضان و الناس مو فاضيه بس مو صدق الصورة اللي اقول فيه سوي لايك و انزل كذا جيها لايكات فوق ال ميه و الصوره المفيده بالكثير خمسين لايك .
بالاخير الله يسعد اي وحده تشجعني ما تتخيلون فرحي لما احد يكتب لي شي كانها شهادة تفوق .
اذا تبون اكتب بوست عن الكونتور اكتبي لي و اذا انتشر البوست ان شاء الله اكتب عن كيف راحت الحبوب اللي بوجهي باسبوعين.
انا اعاني من هالمشكله ، بجرب طريقتك ان شاء الله
ردحذفشككراً ❤️