السلام عليكم .. اخباركم ؟ ان شاء الله بخير .
تكلمت عن مجموعه الهايلايتر و طريقه الفاونديشون و هذا الجزء الثالث مجموعه الكونتور .
الكونتور يخفي الملامح عكس الهايلايتر اللي يبرز الملامح .
فيه بعض البنات يكون مكياج عيونها مرره جميل بس باقي وجهها مسطح ما فيه معالم ما تدرين وين يبداء و ينتهي خدها و ما تعرفين اذا هذا دقنها او رقبتها خصوصا لو عندها دبل تشن . على اساس تحب المكياج الطبيعي .... كلنا نحب المكياج الطبيعي بس مو كذا .
المنتجات ممكن تكون سائله او كريميه او بودره .
- سائل : هذا اصعب نوع بالنسبه لي مو دايم استخدمه هو انه اختار فاونديشون اغمق من لوني بدرجتين و اوزعه على اطراف وجهي و ادمجه بالبيوتي بلندر طبعا كل وجه و له طريقه معينه ما راح اتكلم عن الطريقه بس بتكلم عن المنتجات .
- الكريمي : و هو اسهل من السائل .
هذا البرونزر اخذته من وجوه ما اعرف عن هذي الماركه اي شي بس اللي تبيع كانت شاطره و شريته بس صدق حلو اختي مررره بيضاء حطته على وجهها و جسمها كانها مسويه تان حلو لونه مو كانها محترقه لون بشرتها من ماك nw 15 بس كان حلو .
تكلمت عن هذي العجله بالانستقرام و ب مجموعه الهايلايتر بعد .
هذا افضل و اسهل نوع من النوع الكريمي من ميبلين فت مي درجه موكا فيه بالنص مرطب سهل مره دمجه .
- البودره : اخر نوع و هو اللي استخدمه يوميا .
بودره الفاونديشون من صبايا احبها لانها ابد ما تشهب و تغبر لونها مررره حلو احيانا احطه على وجهي كله اذا كنت بسوي تان بس انا مو حلو علي التان احلى على البياض استخدمه للكنتور .
ستي مات من ميبلين لونها مرررره خفيف كأنها بلشر .
احلى برونز بالعالم من اتش اند ام خصوصا للبيض مو غامقه ابدا الدرجه المثاليه انا لون بشرتي من ماك NC 20 اذا بشرتك مثلي بتطلع عليك جميله استخدمها يوميا من اول يوم اشتريتها الى اليوم .
ان شاء الله تستفيدون منه للعيد . اكتبي لي ايش تبين مواضيع اتكلم عنها ان شاء الله قريب بينزل بوست عن اغراض السفر
ليست هناك تعليقات:
إرسال تعليق