ريفيو فير التكسير

السلام عليكم .. اخباركم ان شاء الله بخير 

موضوع اليوم انسألت عنه كم مره بسناب شات 

فير التكسير 

نزلت عنه بيبي العبد المحسن و الكل حبه 

مع انه ابد مو شي جديد 

صار له عندي ٤ سنوات 

سعره بين ٢٠٠ الى ٣٠٠ ما اذكر 

رأيي فيه ..

اول شي الفيش مررره مو حلو لان مو مثل بعض شكله غريب و استخدامه صعب 

اقصد اللي تدخلينه بالكهرب 

ثاني شي مررررررررررره ثقيل و يكسر اليد و ياخذ وقت طويل و انتي تستخدمينه 

انا شعري ناعم و لازم استخدمه لكل خصله بشعري 

مو حار كفايه يعني بعد ياخذ وقت خصوصل لو شعرك كثيف 

ما يثبت بشعري شوي و يسيح و يصير كاني قايمه من النوم و مو ممشط 

امي شعرها جاف و مو مره ناعم من كثر الصبغ و جربته فيها و كسبت فيها ذنب نفش و صار يخوف مررره ما نفع لها 

يناسب مين ؟؟ اللي طبيعه شعرها كيرلي بس ، لان ما تحتاجين تسوين كل شعرك بتصير الكرل ارتب بس 

مثل طبيعه شعر بيبي كيرلي و نفع معها و حبته 

بالنسبه لي ابد ابد ما حبيته و ندمت اني شريته 

اذا حابه مرره الفير و ودك بنفس الستايل اللي يسويه قسمي شعرك لخصل متوسطه و اجدليه و نامي فيه اليوم الثاني بيصير حلو

هذا الشكل  اللي يعطيه الفير انا مره ما حبيته 

و ترى مو صدق ابد انه يعطي هذا الشكل 

و بس اتمنى يكون مفيد و اذا حابه اتكلم عن الاجهزه الثانيه اللي عندي اكتبي لي تحت