Running late makeup bag شنطة المكياج السريع

موضوع اليوم بتكلم فيه عن شنطة المكياج السريع 

اغلبنا اتوقع مر بموقف ان المنبه لاي سبب ما يدق 

انا دايم يصير معي بس اخر مره كانت اسواء مره 

بدال ما اضبط المنبه 6:00AM ضبطته 6:00 PM و كنت ابي اتروش الصبح و عندي مد 

بس امداني البس و اطلع بدون ما اشوف المرايه بس شكلي ابد ما يترقع 

هذي الاشياء اللي امداني اخذها و اضبط شكلي بالجامعه بعد الاختبار 

 

شعري كان مصنع زيت 

المنقذ دايم بهذي المواقف هو الدراي شامبو اذا تبين بديل له كتبت عنه بالانستقرام 

 التسريحه الاحلى و الاسهل و الاسرع اذا شعرك مزيت 

ابد ما يبين انك جايه من الفراش للجامعه

كل اللي تحتاجيه دونات بن و بنس و بندانه

 امسحي جسمك بمناديل ديتول بما انك ما قدرتي تاخذين شاور ينظف شوي 

مو مثل الماء و الصابون اكيد 

امسحي على الاقل تحت الابط و الرقبه و اي مكان تعرقين فيه و بعده استخدمي مزيل العرق 

مزيل العرق ما ينفع تحطينه ابد على وسخ 

و اذا ما عندك وقت تغسلين وجهك امسحيه بالمناديل 

 بس اذا عندي وقت اغسله هذا غسول مره صغير 

 لازم لازم تفرشين الاسنان حتى لو ما عندك وقت 

هذي الويسب مره حلوه لانها صغيره و فيها المعجون و استخدام مره وحده و ما تحتاجين ماء تكلمت عنها قبل 

اما اذا ما عندك استخدمي فرشاة و معجون صغير العادي

و طبعا علك لان ما فيه وقت استخدم غسول الفم

المكياج احاول استخدم الاساسيات و تكون تنفع لكذا شي 

 استخدم بي بي كريم لان فيه ترطيب و واقي من الشمس و تغطيه يختصر لي الوقت 

ما استخدم كونسيلر لان ما فيه وقت و الكونسيلر يحتاج دمج و تغطية البي بي يكفي

 احب استخدم منتجات كريميه لان الدمج اسهل 

البلشر كريمي من بينيفت استخدمه للخدود و الشفايف 

و البرونزر استخدمه على وجهي و كشادو 

هذي الفرشه من ماك بثواني تدمج الشادو بشكل حلو تكلمت عنها قبل 

 اخر شي الماسكارا ضروريه عندي هذي النوع ما تكتل و تفرق الرموش 

و اخترت قلم مع اني مو من البنات اللي يحبون اقلام الحواجب بس اسهل و اسرع 

مو الازم يكون كل شي بيرفكت فيه بالطرف الثاني سبولي للحواجب مرره مهمه عندي 

و بنفس الوقت اقدر استخدمه على خط الرموش السفلي فاتح و ما يحتاج دمج كثير


اتمنى البوست يعجبكم و يكون مفيد