السلام عليكم .. فكرة البوست بتكون منتجات اشتريتها مرتين و اذا حبيتها او لا
بي بي كريم غارنيه حبيبي القديم
مرره احبه و اشتريته اكثر من ٣ مرات كان يناسبني لما بشرتي ما فيها حبوب بس الحين لازم معه كونسيلر
حلو للصباح خفيف و فيه حمايه من الشمس
ارجع اشتريه :لا لان لازم اجرب غيره لان عندي مدونه بس لو علي ارجع اخذه
انصح فيه : اكيد
برايمر من بينيفت للمسامات
حاولت بكل الطرق اني احبه بس ما قدرت يكتل و يقشر و يخرب الفاونديشون
ليش عند ٢ الثاني مو انا اللي اشتريته جاني
ارجع اشتريه : مستحيل
انصح فيه :ما ادري جربي عينه بنفسك لاني يمكن يناسبك
كونسيلر من فور ايفر
اول كونسيلر اشتريته و ابد ما ندمت يجنن بس يحتاج شغل شوي عشان ما يكتل
تغطيته عاليه و وتر بروف يخفي الهالات حتى لو غامقه
للمناسبات بس
ارجع اشتريه : ممكن لان اللي عندي جديد
انصح فيه :بقوه خصوصا اللي بشرتها مو جافه جدا لان يحتاج قبله ترطيب
كونسيلر غارنيه
خربوطه ما يسوي شي غير ان الكوره الحديد تونس بس
ارجع اشتريه : لا
انصح فيه :لا
بي بي كريم من ريميل
انا ما حبيته ابد يكتل و تركيبته مثل الصمغ صعب دمجه بس اختي مثل نوع بشرتي و مره تحبه
هي اللي شرت الثاني
فاونديشون من برجوا هيلثي مكس
اللي بالصوره العلبه الجديده و القديمه
تركيبته خفيفه الى وسط و اقدر اثقله قد ما ابي
احبه يومي يجنننننننننن
ارجع اشتريه : اذا ما لقيت احسن منه اكيد
انصح فيه : جدا جدا
كتبت ريفيو عنه هنا
ماسكارا من بينيفت ذي ار ريل
تجنن استخدام يومي خصوصا للرموش السفليه
ارجع اشتريها : لا لاني حبيت الرولر اكثر
انصح فيها : ايه
قلوس من ماك
عادي جدا تقريبا يلصق
انصح فيه :لا
ارجع اشتريه : لا
فرشاه فاونديشون من ماك
اللي بالصوره نفس النوع بس الحجم يختلف
ما احس فيها شي مميز مثل باقي فرش ماك
شوي ندمت عليها بس بشكل عام حلوه
ارجع اشتريها : لا لان مين يحتاج اكثر من فرشه هههههه
انصح فيها :مو مره
تاتو الحواجب من فور ايفر تكلمت عنه هنا
برونزر من اتش اند ام
المفضل عندي لونه تركيبته و سعره
ارجع اشتريه : لا ابي اجرب غيره
انصح فيه : جدا خصوصا اللي بشرتها فاتحه
قلم كحل من مكياجي
جربت اكثر من ٢ كثييييييير بس لاني ما كنت اعرف بالمكياج زين
يندمج بسرعه بس ثباته مو حلو و لونه مو حلو
ارجع اشتريه : مستحيل
انصح فيه : لا
قلتر بقمنت من انقلوت
يجنن لونه واضح و يرهش رهش
و سعره مره حلو
انصح فيه : ايه
ارجع اشتريه : اكيد بس الوان ثانيه لان هذا مستحيل يخلص
هاي لايتر من بينيفت
طبيعي جدا ما ينفع للمناسبات يحتاج دمج مررره لانه صعب و ممكن يحوس الفاونديشون
يناسب المراهقات اكثر او اللي يحطون مكياج خفيف للبيت و اللي بشرتهم صافيه لانه يتجمع حولين الحبوب و يبرزها
ارجع اشتريه : لا
انصح فيه : مو مره
اتمنى هذها البوست يفيدكم كتبت بوست نفس الفكره هنا
منتظره جديدك بشغف وحب❤️
ردحذفاحب اشكرك نوره على كل شي قاعده تقدمينه استفدت منك بشكل كبير ، وانا من ضمن المتابعين بعنف لك بالسناب والانستا والستوري هاوس لشمواه ومن قرريب لمدونتك اللي مليانه جمال وفايده معجبه جدا فيك .. اتمنى لك كل التوفيق 😴💜💜
الله يسعدك قد ما اسعدتيني
حذفمساء الخير ،
ردحذفكثير حابة مدونتك والانستقرام واتابعك صح مااعلق كثير ، بس انتي تستاهلين كل خير
الموضوع جميل بصراحة ، وفعلا فيه اشياء لازم نكرر شرائها لانها حلوه وحتى لو جربنا غيرها نرجع نشتريها
عندي ملاحظة صغيره ، تصويرك جميل ولا تظلمينه بحجم الصور الصغيره ..
لانك تعبتي عليهم ، كل شي جميل يستاهل اننا نشوفه بوضوح ...
الله يسعدك شكرا لتنبيهك ان شاء الله المره الجايه اكبر
حذفانا بشرتي حساسه وجافة يصلح لها بيبي كريم من قارنية ؟؟
ردحذف