السلام عليكم ...
البوست بيكون عن قصتي و تجربتي . و اتوقع الاغلب مر بمثل اللي صار لي .
مناسبه بوقت غلط ( صراع مع الزمن) !!!
قبل شهر تقريبا صار فيه حفله و مرررره مهمه بالنسبه لي قبلها كان عندي فاينل و مرضت و ما قدرت اشتري فستان و طبعا ما قدرت احف يديني و رجولي و الحفله يوم الاربعاء و مو بالرياض و مالقيت حجز الا عن طريق الكويت بعدين ارجع للسعوديه بالسياره و لازم اداوم يوم الاربعاء
^
^
مع كل هذا كنت مصره الا احضرها
الزبده ايش سويت و كيف كان شكلي
تروشت و لفيت شعري كعكه و داومت و طلعت من الجامعه للمطاره وصلت الساعه ٦ المغرب و اول ما وصلت قعدت احوس بكبتي القديم و لقيت فستان اسود من قبل ٤ سنوات و لبست معاه جاكيت اسود اكمام طويله فيه خرز ملون من زارا و تايت اسود عشان البلاوي ههههههههههههه
شعري طلع ويفي لانه نشف و هو كعكه و حطيته على جنب
و طلع شكلي بيرفكت مع ان السالفه كلها تخبيص ب تخبيص
و رحت و انبسطت الحمدلله
ايش ممكن انتي تسوين لو صار لك مثلي ؟؟
اذا كان شعرك شبه مدهن و ما يمديك تتروشين استخدمي دراي شامبو ( الشامبو الجاف)
اذا تروشتي و ما امداك تستشورين شعرك هذي التسريحه احسن حل
كل اللي تحتاجيه :
هذي التسريحه تقريبا تناسب كل المناسبات من الجامعه الى الزواجات بس طبعا بدون بوف و حماس للجامعه
و تناسب جميع انواع الشعر .
و هذي الطريقه :
و التسريحه الثانيه هي الجديله للحين موضه جميله و بسيطه و تقدرين تبدعين فيها
و هذي طريقه سهله و سريعه للويفي
و اذا كان عندك اكسسوار شعر راح يغير كل اللوك
اما بالنسبه للبس اكيد كل بنت عندها فستان اسود و ابيض قديم او جديد ما تفرق انتي تقدرين تغيرين شكله بالاكسسوارات خصوصا (الستيتمنت نكلس )
هذي بعض المتوفر عندنا بالسوق
الكعب الملون و المطبع بعد كثير نشوفه على المشاهير
هذي مقاطع فيديو لمكياج ب ٥ دقايق !
ملاحظه: فيه موسيقى
و بكذا يكون البوست اكتمل اذا عندك طرق سهله و سريعه ارسليها لي على التويتر و الانستغرام او مريتي بمثل هذا الموقف ❤❤
