Wardrobe Essentials ❤❤اساسيات الخزانة.

                                                      

                                            

السلام عليكم..   

و خلصت الاجازه و بدينا سنه دراسيه جديده اتمنى تكونوا احسن من السنه الماضيه و نرفع رأس اهلنا لان هم اللي يستاهلوا الواحد يرد شوي من اللي يأخذه منهم 

الزبده هذا البوست يفيد بالاخص المستجدات بالجامعه . ببدايه السنه بتتحمسي و بتشتري نص السوق و انتي اصلا ما تحتاجي كل هذي الملابس 

كل اللي لازم تسويه تصيري ذكيه بالتسوق و تختاري قطع حلوه و مرتبه تنفع للدوام و تقدري تنسقي معها اكثر من شي 

"التنوره " اختاري القماش ما يتعفط و يتعفس ابعدي كل البعد عن التنوره الجينز اولا موضه مرررره قديمه و تطلع جسمك مو حلو و ثقيله و مو مريحه احسن شي القطن فيه انواع كثيره بس مو الاسترج اللي تجي مرره ضيقه و تبين تفاصيل جسمك اختاري شي مرتب و ما يكون شفاف. بكل مكان فيه بزارا بس دايم تخلص و فيه بالمحلات الشعبيه ب ٢٠ ريال بس 

الالوان احسن شي الالوان الغامقه 

انا احب الواسع المكسر كنوع من التغيير .

مثل ما قلت لازم تختاري قطع اساسيه لازم تكون بكبت كل بنت و كل مره تغيري فيها شوي .

                                           ❤❤❤❤❤❤❤❤❤❤❤❤❤❤❤❤❤❤❤

نبداء بالاساسيات 

                                             

                                                  

هذي التنوره اشتريتها من زارا قبل ٣ سنوات انا اعجبتني مثل ستايل عاصي >> اللي بالمسلسل التركي 

الزبده هذي التنوره مره موضه و مريحه تدخلي البلوزه داخل التنوره. 

                                             

                                    

                                    

                                            

                                                   

                                                  

                                                 

   
** طبعا انتي اختاري لون غامق .

                                           ❤❤❤❤❤❤❤❤❤❤❤❤❤❤❤❤❤❤❤

                                                     

 اهم اهم اهم شي القميص الجينز اذا ما عندك لازم تشترين غامق فاتح اومبري الامهم يكون جينز  ما تتخيلين قد ايش هو مفيد حتى مو بس للجامعه بسهوله تغيريه من كاجول ل فورمال ينفع للصيف و الشتا 

                                                      

                                                

  

                                               

                                               

                                               

                                               

                                               

                                                      

                                                     ❤❤❤❤❤❤❤❤❤❤❤❤❤❤❤❤❤❤❤

                                                        

  

 القميص السماوي مره حلو بجميع اشكاله ساده او مخطط من اكثر الالوان اللي تناسب مع كل شي و تناسب اغلب الوان البشره و حلو للصباح 

                                                            

                                                         

                                           

                                                     ❤❤❤❤❤❤❤❤❤❤❤❤❤❤❤❤❤❤❤

                                                         

المشجر بالورود الملونه خصوصا الفواتح هذا الموديل مره حلو مريح يجي كروب بس ارفعي التنوره >> تنوره مخصره . و اكمامها واسعه ما تكتم 

                                                         

                                             

                                                       

                                        

                                                      

                                                      

                                                       

                                                     ❤❤❤❤❤❤❤❤❤❤❤❤❤❤❤❤❤❤❤

                                                       

 لون التان ( افتح درجات البني و اغمق درجات البيج) لون اساسي تقدري تركبي معه اي قطعه مو شرط هذا الموديل 

                                                           

                                                                

                                                             

                                                     ❤❤❤❤❤❤❤❤❤❤❤❤❤❤❤❤❤❤❤

                                                         

الببلم مررره ترندي و اتوقع هذي الموضه بتطول تعطي شكل الجسم جماال و تخفي البطن بس اختاري الالوان مو الصارخه او بلمعه 

                                                         

                                                       

                                                   

                                                          

                                       

                                                         

                                                        

                                      

                                                      

                                                     ❤❤❤❤❤❤❤❤❤❤❤❤❤❤❤❤❤❤❤

                                                           

   

الكيمونو  ترندي بعد❤❤ تلبسيه مع اي توب بيسك ساده خفيف و فيه اشكال و الوان كثيره هو ستيتمنت ما يحتاج تحطي معه شي ابد اذا كان مشجر 

                                                         

                                           

                             

                                           

                                                           

                                                           

                                                            

                                                     ❤❤❤❤❤❤❤❤❤❤❤❤❤❤❤❤❤❤❤

                                                           

jacquard الجاكيت الخفيف 

مو معناته صيف ما تلبسين جاكيت بس المهم يكون خفيف موديله مره مناسب الجامعه و الدوام كلاسيك و شيك 

يذكرني بالاميرات خصوصا كيت و الاميره موزه >> صح ؟؟ 

                                          

                                                       

                                                      

                                                   

                                                             

                                                     

                                                               

                                                     ❤❤❤❤❤❤❤❤❤❤❤❤❤❤❤❤❤❤❤

                                                               

  

                                                               

اللون الاسود و السكري فيه اهم ؟؟ فتحه صدر دائريه و اكمام طويله و واسع قماش خفيف هذي اهم مواصفاته     

                                                     ❤❤❤❤❤❤❤❤❤❤❤❤❤❤❤❤❤❤❤

                                                                

المخطط اكثر ترند اتمنى تبقى للابد جميله بشكل فضيع ادري ان فيه كثير مل من كثر ما يشوفها بكل مكان بس صراحه يحق لهم تجنن و لو ما الفشله كان لبسته بكل مناسبه بس اخاف يقولون ما عندها غيره بس  صدق يناسب مع كل كل كل شي 

                                                                

                                                                

                                                                

                                                                 

                                              

                                                     ❤❤❤❤❤❤❤❤❤❤❤❤❤❤❤❤❤❤❤

   

                                                                 

تي شيرت فيه شي اريح ؟ مستحيل. و حلو التغييرعن الرسمي خصوصا مع ضغط الاختبارات ما تبغين تتعبين نفسك و تفكرين ايش البس و تنسقين عليه انا عن نفسي مره احب التي شيرتات للدوام 

                                                          

                                                                    

                                                                  

                                                     ❤❤❤❤❤❤❤❤❤❤❤❤❤❤❤❤❤❤❤

                                                                

كارديقان >> ادري موت حر بس الكلاسات بارده بقوه خلي بالشنطه او اللوكر كارديقان لونه تان او اسود يناسب مع كل شي و اذا طلعتي شيليه اذا ما عندك اشتري نصيحه ترى عليها تخفيضات و بتحللين قيمتها صح 

                                               

                                                             

                                                             

                                                     

                                                             

                                                     ❤❤❤❤❤❤❤❤❤❤❤❤❤❤❤❤❤❤❤

                                                               

جاكيت الجلد خفيف من سنوات و هو موضه الحمدلله انها ما تروح دايم ابي جاكيت جلد بس  غالي ٦٠٠ ريال عشان جاكيت و هذا ارخص شي بزارا و شلت الموضوع من راسي اقدر اشتريه بس حسافه و قبل رمضان لقيته عند ستراديفاريوس و قلت باخذه باي سعر كان ابيه بقوه و لقيته بالتخفيض تخيلوا كم ؟؟ ب ٦٩ ريال بس شوي و ارقص بالمحل و هذا درس لي اشتري بالتخفيض 

الزبده اشتري جلد كل المشاهير عندهم هذا الجاكيت 

                                                             

                                                

                                              

                                                                    

                                                           

                                                          

                                           

                                           

                                                    

                                                           

                                                                   

                                                         

                                                     ❤❤❤❤❤❤❤❤❤❤❤❤❤❤❤❤❤❤❤

                                                     ❤❤❤❤❤❤❤❤❤❤❤❤❤❤❤❤❤❤❤

و خلصنا اهم القطع الاساسيه بس طلتك ما تكمل بدون اكسسوار اهم شي يكون ناعم 

                                               

الحلق يكون صغير ما ينزل من الاذن صدقوني ما فيه اجمل من الكشكات لحلقات الجامعه و اسعارهم يابلاش و الخواتم الصغيره انا عن نفسي ما البس خواتم للدوام 

                                                             

                                                               

                                                      

                                              

                                              

                                                           

                                        

                                        

                                                     ❤❤❤❤❤❤❤❤❤❤❤❤❤❤❤❤❤❤❤

    

                                              

 مررره احب الاساور و الون الذهبي صديقي الصدوق بأغلب اكسسواراتي البس مجموعه بيدي شكلها يكون جميل خصوصا اذا كنتي لابسه شي ناعم 

                                               

                                               

                                                               

                                           

                                           

                                           

                                                         

                                                     ❤❤❤❤❤❤❤❤❤❤❤❤❤❤❤❤❤❤❤

                                                             

                                           

اذا لبستي قميص و سكرتي الازارير كلها و العقد فوقها بيكون مرره جميل 

                                          

                                          

                                                           

                                            

                                                          

                                         

                                         

                                                     ❤❤❤❤❤❤❤❤❤❤❤❤❤❤❤❤❤❤❤

                                        

السكارف اساسي بالصيف و الشتا يغير شكل الملابس جذري و يحلي اللبس و له طرق كثير للبس السكارف 

                                                 

                                                          

                                                          

                                        

                                                                

                                                  

                                                          

                                                          

                                                       

                                                          

                                                         

                                                      

                                       

                                                     

                                                    

                                                      

                                                  

                                                      

                                   

                                                     

                                                     ❤❤❤❤❤❤❤❤❤❤❤❤❤❤❤❤❤❤❤

                                                   

البندانه اسرع خيار اذا ما تعرفي ايش تسوي بشعرك 

                                                        

                                      

                                                    

                                         

                                         

                                                  

                                                  

                                            

                                            

                                                     ❤❤❤❤❤❤❤❤❤❤❤❤❤❤❤❤❤❤❤

                                   

الخلخال مررره احب الخلاخيل. التركواز البسه تقريبا مع كل شي حتى لو اللون ما له دخل بس اهم شي ما يكون فيه جرس!!  الجرس يذكرني باشياء مو كويسه تكفين لا تلبسينه 😭😭 

اختاري شي ناعم للجامعه 

                                                

                                          

                                               

                                                

                                                   

                                    

                                    

**اخر اثنين ابد ما يصلح للكليه بس اعجبوني 

                                                     ❤❤❤❤❤❤❤❤❤❤❤❤❤❤❤❤❤❤❤

                                                     

                                                    

                                                    

                                                    

"الشنطة" تحتاجين شنطتين بالالوان الاساسيه بس ابعدي عن الابيض لانه بسرعه يتوسخ اختاريها كبيره و لها سير طويل و ما عليها خرابيط واجد كل ما كانت ساده كانت احسن

                                   

                                   

                                                  

                                                  

                                                 

                                 

                                                

                                                  

                                                     ❤❤❤❤❤❤❤❤❤❤❤❤❤❤❤❤❤❤❤

                                             

                                             

                                             

"الجزم" لا تلبسين كعب ابداً حتى لو انتي قصيره الجامعه مو مكان للاستعراض . الكعب مره متعب و ما راح تقدرين تكملين يومك . فيه فلاتات و صنادل مره حلوه وفيه بعضهم كعب مره قصير . البسي شراب مع الفلات لان مع الحر رجلك بتعرق فيه انواع ما تبين مع الفلات و سعره تقريبا ب ١٠ ريال اختاري الالوان الاساسيه و يكون مريح . لا تشترين فلات غالي لان بسرعه يخرب مع المشي . فيه جزم شكلها يكون حلو و سعرها معقول . 

                                   

                                   

                                          

                                  

                                             

                                  

                                              

                                      

اخر شي بقوله هو لا تشتري شي شيفون يحتاج توب اكثر من قطعه بالصيف مره مو مريح .

ارفعي شعرك فيه تسريحات كثيره حلوه مع الحر بينفش شعرك لو لو كان نازل .

لا تاخذي اشياء كثير بشنطتك ما تحتاجيها بتتعبك كثير .

لا تنسي تلبسي ساعه اهم شي لان الجامعه غيير عن المدرسه ما فيه جرس ينبهك .

وبببببببببببس .. و اخيرا خلصت هذا البوست المتعب ادعموني ب ريتويت و اذا حابين تعرفون كثير عن القطع الاسعار و الاماكن بنزله بالانستقرام 

ارسلولي صور مشترياتكم على التويتر و الانستقرام 

Twitter:@NMS_Fashion

Instagram:@NMS_Fashion