MAC BRUSH 224 VS 217 ريفيو فرش الدمج من ماك و الفرق بينهم

السلام عليكم .. اخباركم ان شاء الله بخير 

موضوع اليوم بتكلم فيه عن الفرق بين فرش ماك 217 & 224

بحثت كثثثير قبل اشتري الفرش لاني مره محتاره ايش الافضل 

خصوصا ان الاغلب يمدحهم 

و ما لقيت جواب على سؤالي 

و قلت بشتري اي شي دام كلهم حلوات 

و ما لقيت بالرياض الا 217 و اخذتها قبل سنه 

من يومها و انا اعشقها احبها و اخاف عليها اكثر من  جوالي بدون مبالغه 

و من حبي لها قلت بشتري ثانيه و فرصه اجرب 224

و دورتها بكل ماك بالرياض و كتبت رقمي عندهم بس ما لقيتها 

بس الحمدلله اخذتها من الكويت 

طبعا كلهم فرش دمج و شعرهم طبيعي

و فيه فرق كبير بالسعر 

224 ب ١٤ دينار يعني ١٧٥ ريال تقريبا 

217 ب ١٣٥ ريال

و لانهم فرش تعتبر غاليه 

حبيت اوضح الفرق بينهم لان كلهم حلوات بس مختلفات 

  

 اول اختلاف اللون 

الابيض 217

الاسود 224

 217

شعرها اقصر و اقل و اخشن و مدببه اكثر

تناسب اللي عيونها اصغر و تقدرين تدمجين اللون بكنترول اكثر  و بمكان محدد

و تنفع فرشه للكريس 

و انا استخدمها بعد للجفن المتحرك 

اذا تحبين شادو الكت كريس مررره تجنن لدمجه 

224

شعرها اطول و اكثر و انعم و منفوشه اكثر 

تناسب للي عيونها اكبر و تحب الدمج يكون مرره 

و تنفع للسموكي و لدمج الهايلايتر بمساحه اكبر 

او شادو لون واحد 

تدمج اكثر من 217

بشكل اعام احبهم كله و استخدمهم مع بعض لانهم يكملون بعض 

بس اذا محتاره و تبين بس وحده انصحك ب 217

احبها اكثر من الثانيه و غير كذا متوفره و ارخص 

سعرها غالي بس تسوى كل ريال 

لو انتي ما تقدرين على سعرها جمعي فلوسك 

لان بس فرشه وحده تسوين كل شي 

غير كذا الكواليتي مرره حلو لو اهتميتي فيها ممكن تبقى ١٠ سنوات 

اتمنى الريفيو يكون مفيد و اذا استفدتي لا تبخلين علي بنشره