السلام عليكم ..اخباركم ان شاء الله بخير
اليوم بتكلم عن موضوعين بموضوع واحد
لان حسيت ما ينفع افرقهم عن بعض و بتلاحظون الصور مختلفه
الموضوع الاول بتكلم عن مكياج الطوارئ
طبعا الاغلب كان عارف ان الاجازه اللي راحت خطوط ناس ضيعوا شنطتي
و سافرت عند اهلي و للكويت
انحرمت من حفله لان ما كان معي الا اللي لابسته
و حفله تحتاج اشياء كثييره مو بس ملابس و مكياج
بعدها بس زيارات بسيطه عند صديقاتي
ما اشتريت من اول يوم اغراض لان كل شوي يقولون بالرحله الجايه بتجي شنطتك
و كنت انتظر
و انعزمت عند صديقاتي و كنت ابكي ما عندي ولا شي
كان ابوي يبي ياخذني للصالون بس انا حتى زواج ما اروح صالون
و اشتريت هذا المكياج باقل من ٥ دقايق
فاونديشون فيت مي من ميبلين كان من الاشياء اللي حابه اجربها
و قلت فرصه اشتريه
كونسيلر بعد فيت مي بس من الحماس اخذت درجه اغمق
ماسكارا ميبلين اخذتها لانها عندي من زمان و عارفه انها حلوه
ما كنت ابي اجازف سويت لها ريفيو من قبل
بس الشي الغلط اللي سويته انها وتر بروف و نسيت اشتري مزيل مكياج للعيون
ايلاينر برجوا هذي ٤ ايلاينر مرره احبها لانها سهله
مع انها مو افضل شي
برونزر اول مره اجرب هذي الماركه و اخذته عمياني
و كنت استخدمه بعد اي شادو
بلشر نكس كنت اتنمى لو اخذت شي كريمي لان ما عندي فرش
و كنت استخدم اصابعي بكل شي
فازلين ههههههه كاني عجوز بس صدق منقذ كنت استخدمه لكل شي
كنت استخدمه للترطيب طبعا و بعد كنت استخدمه مع البلشر للشفايف
لاني نسيت اخذ روج ههههه
و كنت استخدمه نقطه على شعري هههههه ادري غلط بس كنت مضطره
لان ما عندي كريمات شعر ولا سشوار ولا شي هههه حسيت اني مسكينه
بس ما عندي مشكله اطلع بشعري طبيعي بس فيه اشياء متطايره تغث
قلم الحواجب اخترت هذا النوع لان فيه سبولي مع اني ما احب الاقلام
فرشة الدمج من ماك اخذتها لان كنت ابيها من قبل و كانت الفرشه الوحيده اللي عندي
صدق لو انتي بس حابه فرشه وحده خوذيها
و اخيرا حابه اقول ان نتيجه المكياج مع انه مررره قليل بس بالضبط كان نفس كل مره
مو مهم الكميه الاهم التكنيك
الجزء الثاني هول بعضه من الكويت و بعضه بعد ما رجعت لي شنطتي
مرطب من كلين اند كلير نسيت اصور الغسول اخذته قبل لما كانت شنطتي ضايعه
اخذت هذي الكريمات من باث اند بودي الكويت و بعد نسيت اصور صوابيين اليد
ما كثرت لانها ثقيله بالشنطه و لما رجعت للرياض كنت بشتري اكثر بس خلص التخفيض
هذي الاشياء من زمان خاطري فيهم
بي بي كريم و بلشر من ماك
قلتر و قطره من انقلوت
اي شادو من انقلوت كنت ابي نفس هذي الدرجات من ماك بس ما لقيته كالعاده
بس حلوه شدواتهم و ارخص بكثييييير
الدرجات على الكرتون
لب بتر من ريفلون مرره معروفه
كيوتيكل ريموفر اخذته من نزيه و الخشب و المقص من صيدليه الحبيب
و اخيرا اخذت السيستم ٣ ستيبس من كلينيك
انا اخر وحده بالعالم تجرب بيو ديرما لان اي شي ينشهر احسه هبه بس مو شرط يكون حلو
بس هذا صدق صدق يجنن
و اخيرا لقيت حامي الشعر من الحرار عند الدانوب
اخذت ملابس و جزم بس ما صورتها لان ما حبيت البوست يكون طويل بس اغلبها بالبوست اللي قبل
اتمنى يعجبكم البوست و اذا حابين اسوي ريفيو عن اي شي اكتبي لي
نبي عن فيتنس روتين او تحضير وجبات صحيه اثناء الدوام
ردحذفاغلب مشترياتك عندي مثلها ومره حلوه 😍ونفسي اجربمنتجات العنايه بالبشره من كلينك
ردحذف