السلام عليكم .. اخباركم ؟ ان شاء الله بخير .
بتكلم اليوم عن مطعم بياتو بتكون اول مره اكتب عن المطاعم ان شاء الله تعجبكم هذي السلسله .
بياتو جيته مرتين اقدر احكم عليه اكثر . جيته بالليل و العصر و كله زحمه ، مررره زحمه . و لازم انتظر نص ساعه على مايجهزون الطاوله و الخدمه مره مو حلوه .
الاسعار معقوله حدود ال ٦٠ ريال للطبق مكانه مخرج ٥ قدام جرير .
فيه جلسات خارجيه حلوه بس محد يجلس فيها .
المطعم كبير و فيه العاب للاطفال و جهه مسكره و جهه مفتوحه .
هذا المكان احلى من المسكر بس ما اقدر اخذ راحتي لان الطاولات مره قريب من بعض .
الجو مره حلو بس المنظر اللي يفتح عليه الشباك هو ارض و خرابه >> شي يحزن 💔💔
المقبلات من نفس المطعم حلو الخبز مع الثوم .
الفوتشيني مع البروكلي اكلتها اول مره و المره الثانيه طلبتها اختي حلوه لكن كانها شغل بيت ما فيه اي شي غريب يعني ابد ما تسوى اني اروح عشانها للمطعم او اتعنى لها .
الفوتشيني مع الفطر المعكرونا حلوه بس الفطر بكل انواعه مو حلو .
طبقي اللذيذ الجميل الخورافي مرررره مررره حبيته دجاج مارينارا >> اتوقع اسمه صح .
دجاج مقلي و عليه جبن و صلصه طماطم مررره حلو .
البيتزا كانت حلوه .
الساندوتش دجاج ما كان حلو عاديه مره .
بشكل عام المطعم حلو بس مو مررره حلو .
انتم ايش رايكم فيه ؟ و ايش الطبق اللي يعجبك ؟ قولوا لي رأيكم باحسن مطعم بالرياض ودي اجرب اشياء جديده .
أحب سلطتهم حتى صرنا نسويها في البيت وباسم سلطة بياتو
ردحذفوالبيتزا بأنواعها جميلة
بالعافية عليكم يارب 3>
الله يعافيك يارب ❤❤
حذفبالعافيه عليكم و حبيت التقرير
ردحذفيعطيك الف عافيه
الله يعافيك ❤❤
حذفانا جربت فرع بانوراما كان زحمة بس ما طولنا نستنا حول ١٠ دقايق يمكن عجبني عندهم مقبلات شي بالخرشوف ما اذكر اسمه ورافيولي ود سن درايد توميتو اتوقع اسمه
ردحذفويعطيك العافية