السلام عليكم .. اخباركم ؟ ان شاء الله بخير
ريفيو اليوم عن فكس بلس من ماك انا للحين ما ادري كيف كنت عايشه بدونه صراحه غير كل مكياجي و الفاونديشون صار احلى وفرق . طبعا انا ما اعرف هو اصلا ايش اتوقع تونر و الاغلب انه ماء مع جلسرين له ريحه خفيفه منعشه كانه عشب سعره ١٠٠ ريال و فيه ١٠٠ ML العلبه احلى شي فيه مرره حلوه و تقدرين تقفلينه بسهوله .
-ارش على وجهي قبل الفاونديشن .
-اخلط الفاونديشون مع الاضائه السائله و فكس بلس .
-ارش على الفرشه اذا ابي ادمج الكنتور و الكونسيلر .
-ارش على الفرشه و اخذ من الاي شادو اللون يصير اقوا بكثير.
-ارش على الفرشه و اخذ من اللوس بقمنت عشان ما تهر و تحوس تحت العين .
-اذا بالغلط حطيت بودره كثير و احس وجهي كانه طحين يخفف منه.
-اذا خلصت كل المكياج ارش منه على كل وجهي مو للتثبيت بس عشان شكل وجهي يكون حيوي و صحي.
-اذا طول الفاونديشون على وجهي و خرب شوي ارش على وجهي و اطبطب باصبعي على المكان و ادمجه و يرجع مثل قبل.
-اذا عندي جل لاينر ارش شوي يصير سائل اكثر و الخط يكون احسن .
-اذا عندي ماسكارا ناشفه ارش داخلها و ترجع مثل قبل بس مهم انها ما تكونة مخلصه .
-اذا انكسر بودره او شادو فتتيه و رشي على البودره و رصيها باصبعك ترجع جديده.
-اذا حسيتي ودك تغسلين وجهك و انتي حاطه مكياج رشي شوي و بتنتعشين .
تقريبا هذي استخدامات اللي انا اسويها و اعرفها انتي كيف تستخدمينه ؟؟ و اذا اعجبك او لا
ههههههههههههههه من مخك ؟ الله يسعدك
ردحذفصراحة تحمست اجربه وحسيت استخداماته كثيره
حمستيني اروح لماك اسئل عنه
ناااويييه اول طلعة للسوق اشتريه 😱❤️❤️
ردحذفتسلمي مره حلو
ردحذف