السلام عليكم .. كيفكم ؟
كثير بنات عندهم روتين و تبداء بحماس بعد اسبوع تبطل !! السبب ان الروتين اللي ماشيه عليه معقد و يتعب و طويل خصوصا ان فترة الصباح الاغلب يقومون متأخر و لازم تخلص بسرعه .
*اهم الاشياء اللي لازم تكون بكل روتين صباحي :
_ روتين العنايه بالاسنان ( تكلمت عنه بالتفاصيل قبل )
_ غسول و مقشر يومي
_ تونر
_ مرطب
_ كريم واقي من الشمس
الروتين او المنتجات اللي انا ماشيه عليه من شهرين بسييييط جدا و اي بنت تقدر توفره .
نوعية بشرتي مختلطه الى جافه. دهنيه بمنطقة الانف بس عندي مسامات و رؤوس سوداء على الانف و مررررره معقدتني و فيه شعيرات دمويه حمرا واضحه حول انفي
الحمدلله ما عندي حبوب بوجهي غير كل شهر حبه وحده >> و اعتبره شي طبيعي و بسرعه تروح
نبداء بالمنتجات :
١- اول شي ابداء فيه هو غسل يديني و تنظيف اظافري انا ما احب صابون القطع نهائيا احسها هي وسخه و تجفف اليد مررره احب صابون ديتول السائل ينظف مره و استخدم فرشاة من H&M للاظافر
٢- بعدها ابداء بروتين العنايه بالاسنان ( سبق و تكلمت عنه بالتفاصيل قبل)
٣- ابلل وجهي بالماء و بأسفنجة من The body shop احط عليها شوي من الغسول و بحركه دائريه على وجهي بنعومه و ما اعيد على نفس المنطقه و اغسله بماء و بمنشفه نظيفه اجفف وجهي بطبطبه مو مسح
الاسفنجه عيبها الوحيد بسرعه تخرب يعني لازم كل فتره تجيبي جديده سعرها ١٠ ريال
٣- استخم تونر من clean & clear للرؤوس السوداء احط شوي بقطنه امسح وجي بس تجنبي منطقه تحت العيون
فوائد التونر ينظف البشره بعمق من السموم و يزيل بقايا المكياج من داخل المسامات و يزيل خلايا الجلد الميت و الدهون الزائده و يصغر المسام
مهما تكون بشرتك نظيفه بتنصدمين من كمية الاشياء اللي تطلع بالقطنه تحسي نفسك كنتي ببركه من الطين
احيانا اتحمس شوي و امسح رقبتي و ورا اذاني 3/> بعدها اتحطم من المنظر >> ما ادري اذا صح او غلط !!
مستحيل استغني عن التونر.
٤- بعد التنظيف لازم ترطيب انا ما احب استخدم لوجهي كريم معطر هذا الكريم استخدمه بس لوجهي فيه SPF 15 و يفتح البشره ترطيبه مررره حلو بس ما حسيت ان لوني تغير بس صار صافي شوي ممكن ارجع اشتريه .
٥- اذا كان عندي دوام او بطلع بالشمس لازم واقي الشمس يكون نسبته عاليه تقريبا عن نفسي ما احتاج نسبه اعلى من كذا اذا انتي تجلسين تحت الشمس فتره طويله لازم يكون اعلى و تعيدي عليه كل ساعتين مو بس وجهك حتى جسمك لان اشعة الشمس زياده عن للزوم مضره و لازم تحطيه قبل ب ١٥ دقيقه من تعرضك للشمس
٦- اخر شي هو ترطيب الجسم و الشفايف مرطب الجسم مو ثابت يعني كل يوم نوع اكثر شي احبه هو زبدة الكاكاو من فازلين بس مشكلته ما تمتصه البشره بسرعه هذا الكريم من جونسون مرره خفيف و بسرعه تمتصه البشره خصوصا ان الصباح تحتاجين شي بسرع يمتص
مرطب الشفايف الاحلى و الاجمل و الاروع >> خاقه معه ❤❤ هو من eos مره مشهور عند الاجانب ترطيبه عالي جدا جدا و الطعم اجمل هههههه مره لذيذ
طبعا للاسف بنات السعوديه مسحوب عليهم و الاشياء الحلو ما يبيعونها عندنا 3/> تلقينه عن التاجرات او اطلبيه اون لاين
يكون احسن لو يكون مرطب الشفايف فيه SPF
ايش المنتجات اللي انتي تستخدمينها و تنصحيني فيها ؟؟
اكتبي لي بالكومنت او راسليني على التويتر حسابي @NMS_Fashion و اذا حابه تعرفي عني اكثر و الاشياء اللي اشتريها اول باول تابعيني على الانستقرام نفس اليوزر
اذا حابه تفيديني و تفيدي غيرك من البنات اعملى ريتويت و خبري صديقاتك عني
هذا كل شي لهذا البوست اتمنى لكم حياة سعيده ❤❤❤
روتينك لطيف خفيف وحبيته ..
ردحذفالكريم اللي تستخدميه استغربت من بعض البنات كيف طايحين فيه وانا من اول تجربة كرهته , ماحبيته مره بس فعلاً مو كل شي يناسبك يناسب غيرك :)
يعطيك العافية مدونتك حلوة وسويتلك اشتراك ()
انا اكثر وحده تكره اشيائها اول تجربه بعده احبه صدق مو الكل مثل بعض و تسلمين كلك ذوق ❤❤
حذفحبيت روتينك كثير خصوصا أن مافيه حوسه وتعقيد ، نآوية آجرب زبدة الكاكاو من فازلين واخليها لليل بما أن البشرة مأتمتصها بسرعه ، لك كل الود ، سويت لك آشتراك ♡
ردحذفتسلمين يارب ❤❤ حلوه بعد الشور ترطيبه عالي و بالليل بعد
حذفيعطيك العافيه بوست رائع مثلك ♡
ردحذفتسلمين ❤
حذف