السلام عليكم . اخباركم ؟؟ ان شاء الله بخير
اليوم بتكلم عن تاتو الحواجب من ميك اب فور ايفر و بديل ارخص .
اول شي بتكلم عن فورايفر سعره حدود ٢٠٠ ريال . اخذته قبل سنه ونص تقريبا او اكثر
غيروا شكله و صار يجي بشنطه صغير مع الفرش بس الفرش ما حبيتها بس يمشي حالها انا استخدمها مع فرشه سقما
فيه منه درجات كثيره بس دايم مخلص انا عندي درجه ٢ شوي غامق علي بس نزل درجات افتح .
طبعا هو ضد الماء و ثباته مرره حلو يكفي نقطه صغيره بس لكل الحاجبين و تقدرين تفتحين اللون مع الدمج .
من عيوبه هو دايم اضغط زياده و ما استفيد من اللي طلع .
انا اخذ على طول من العلبه لاني ما احب اعصر على يدي و اوسخها خصوصا انه مو بسهوله يروح .
مررره حبيته بس سعره يعتبر غالي الى ما لقيت البديل عنه اسمه ferrarucci هي مو ماركه معروفه ابدا عند محلات التجميل الرخيصه اخذته من سوق المباركه بالكويت اسواق هنود سعره تقريبا ٣ دنانير طبعا انا ما كنت اعرف عنه غير من ميك اب ارتست كويتيه و هي اللي كتبت انه بسوق المباركه
ما شفته بالسعوديه و لا اعرف اذا فيه او لا انا كنت ناويه اخذ forever 25 و كان عند البايع بس ما ادري كيف اخذت هذي الماركه يمكن الهندي غلط او ان ما عنده الدرجه اللي ابيها و حطها لي لما رجعت البيت تفاجئت .
نبداء بالمقارنه ...
طبعا الشكل و الحجم مررره متشابه . من فور ايفر اخذت درجه ٢ و الثاني اخذت ١ لاني كنت ابي درجه افتح .
اللون : فور ايفر بني و الثاني على زيتي .
السعر : فور ايفر ٢٠٠ ريال تقريبا و الثاني ٣ دنانير تقريبا .
الكثاف: فور ايفر اثقل و كريمي و الثاني سائل كانه فاونديشون .
الدمج : فور ايفر صعب الدمج و ينشف بسرعه و الثاني سهل الدمج و ما ينشف بسرعه .
عيوبه : انه مرره يطول ما ينشف و اذا كنت مستعجله و لبست النيقاب يطبع و الرسمه تتغير شوي بس اذا نشف عادي ما يصير شي . لانه سائل اكثر العلبه تخلص اسرع من فور ايفر .
رأيي فيه انه مرررره حلو خصوصا سعره و برجع اشتريه اكيد . اذا انتي تهمك اسم الماركه و سعره ما بيناسبك .
اتمنى انه عجبك الشرح . ايش رايك فيه ؟ و اذا لقيتيه بالسعوديه وين لقيتيه و بكم ؟
أزال المؤلف هذا التعليق.
ردحذفجميل هالشي كان من الاشياء اللي اعشقها قبل سنين وبعدين ماعاد رجعت شريته ونسيته
ردحذفوالبوست تبعك جددلي الحب القديم ههههه وشكلي بآقرب فرصه اروح فيها لميك اب فور ايفر بشتريه
بالنسبه للبديل ماعندي اي فكره عنه او عن وين نلقاه الماركه نفسها مامرت علي
يعطيك العافيه عالمقارنه الجميله اذا صادف ولقيت البديل بجربه اكيد اذا لهم نفس النتيجه مع فرق السعر !
انا حواجبي عريضه فا اتوقع هالمنتج خيار مو مناسب لي
ردحذفبس احتاج ارتبها وافتح لونها ببودره او مسكرت الحواجب
يعطيك العافية ياجميله ^^