السلام عليكم .. اخباركم ؟ ان شاء الله بخير .
اليوم بتكلم عن فكره جديده اللي هي المكياج الشفاف . هو شفاف بس يساعد المكياج يبقى وقت اطول .
فكس بلس من ماك ماراح اتكلم عنه لان فيه بوست كامل تكلمت فيه بالتفصيل .
البرايمر : البور فيشونال من بينيفت تحطينه قبل المكياج على المسامات يسدها و يكون طبقه مخمليه يساعد الفاونديشون يتوزع احلى و يكون وقت اطول .
برايمر ايربن ديكي للعيون قبل الاي شدو يكون اللون اوضح و يدوم وقت اطول .
ماسكارا الحواجب الشفافه بعد ما اخلص من حواجبي اثبتها بهذي الماسكارا عشان ما تتحوس الرسمه بس من كثر الاستخدام تغير لونها .
صمغ الرموش الشفاف اخذته من ماك و فيه بأنقلوت افضل صمغ مره قوي للرموش احب الشفاف اكثر من الاسود لان اخاف بالغلط يتحوس و يكون صعب تنظيفه بعدين .
بودره شفافه من ريميل افضل بودره جربتها حتى احسن من ماك اثبت فيها الكونسيلر و اذا طلع دهون بالتي زون بعد ما اخلص مكياج ارجع اطبطب بالبودره لانها شفافه ما تخرب المكياج .. بس التعليب مررررره سيء كأنه لعبه بسرعه تتكسر و شكلها رخيص مرره مع انها صدق البودره رخيصه بس ب ٣٠ ريال .
اتمنى عجبتكم الفكره و اكتبوا لي ايش المكياج الشفاف اللي تحبونه .
مرررره جميله الفكره .. احب بودرة ريميل وبرايمر اربن ديكاي وبينيفت
ردحذفموضوعك افادني جدا
ردحذفبس سؤال ماسكارا الحواجب مين اي ماركه ؟
يعطيك العافيه
essence شكرا لك
حذف